რიცხვები 1-დან 100-მდე

მთავარი თემა

რიცხვები  1-დან 100-მდე

მნიშვნელობა /აქტუალობა

ისწავლიან: რიცხვებს,მათზე  მოქმედებებს,თვლას წინ/უკან,ანგარიშს.

მიზნები და შედეგები

მათ. I.1 . მოსწავლეს შეუძლია ერთმანეთს შეუსაბამოს რიცხვები, რიცხვითი სახელები და რაოდენობები.

მათ. I.3. მოსწავლეს შეუძლია ერთმანეთთან დააკავშიროს თვლა, რიცხვებს შორისდამოკიდებულებები და შეკრება-გამოკლების მოქმედებები.

თემატური ელემენტები

1)რიცხვების დასახელება;

2)ბიჯით თვლა;

3)რიცხვების შეკრება/გამოკლება;

4)რიცხვების შედარება;

5)გამოცანების/რებუსების მოხმარება,

(საგანთა შორის კავშირის დამყარება);

6)თემის შეჯამება;

7)საშ.დავალება.

რა ცოდნას უნდა ფლობდნენ მოსწავლეები წინასწარ.

რიცხვების ცნობადობის,მათი გამოყენების უნარ-ჩვევების გამომუშავება;ვიზუალურ-სივრცითი შესაძლებლობების გამოვლენა.

შეფასების საგანი და პროცედურები.

 შეფასება ხდება,როგორც ინდივიდუალურად,ისე ჯგუფურად,განმსაზღვრელი და განმავითარებელი კომპონენტების შესაბამისად.ყოველი აქტივობის ბოლოს  შეფასება + ნიშნითა და კომენტარებით ხდება,ინდივიდუალური შეფასება კი ათსართულიანი კორპუსის (პლაკატი)გამოყენებით.

      პირველი,მე-2,მე-3 სართული  ---- სუსტი;

      მე-4,მე-5 სართული ---- დამაკმაყოფილებელი;

      მე-6,მე-7 სართული ---- საშუალო;

      მე-8,მე-9,მე10 სართული ---- მაღალი;

ყურადღება ექცევა:

      1.გაკვეთილზე ჩართულობას;

      2.სათქმელის დამაჯერებლად გადმოცემას;

      3.აქტივობების მართებულად შესრულებასა და ადეკვატურად გამოყენებას;

      4.ცოდნის პრაქტიკაში გამოყენების უნარ-ჩვევების გამომუშავებას.

რა სასწავლო მასალა და ტექნიკური რესურსებია საჭირო. 

იფორმაციული და საკომუნიკაციო ტექნოლოგიები;დაფა,ცარცი,თვალსაჩინო მასალა,წიგნი,რვეული,თაბახის ფურცლები,კალამი,მარკერი.

გაკვეთილის მსვლელობა.

გაკვეთილს ვიწყებ ჯგუფების დაკომპლექტებით(2წთ);ჯგუფებს ვაჩვენებ თვალსაჩინო მასალას და მისი გამოყენებით ვთხოვ დაასახელონ ჩემს მიერ ნაჩვენები რიცხვები,დაითვალონ წინ/უკან 4-ის ბიჯით,6-ის ბიჯით,ფურცელზე დაწერონ მათემატიკური კარნახი(12წთ);მონიტორით ვაჩვენებ მასალას:“ რიცხვებისა და მათზე მოქმედებების შედარებას „და ვთხოვ დასვან უტოლობის/ტოლობის ნიშნები(6წთ);ვამუშავებ დაფაზე შეკრება/გამოკლების მაგალითებზე(9წთ);

ჩემს მიერ შექმნილი თვალსაჩინოების საფუძველზე ჯგუფებს ვაჩვენებ რებუს-ნახატებს,რომლის შინაარსი კავშირში იქნება ქართულ  ანდაზებთან(5წთ);ცხრილებისა და სქემების გამოყენებით ვხსნით სახალისო ამოცანებს(5წთ);ვაჯამებთ გაკვეთილს(4წთ);

ვაძლევ საშ.დავალებას(2წთ)

დიფერენცირებული სწავლება.

 მყავს 2 მოსწავლე.მათი შესაძლებლობისა და ესგ-ის გათვალისწინებით ხდება მასალისა მიცემა,საგაკვეთილო პროცესში ჩაბმა-კლასთან ინტეგრირება.